Golden Eagle Ylli ka arritur të shënoj fitore me rezultat të thellë 91 – 69 mbrëmë ndaj Proton Cable Prizrenin.

Ani pse ishin pa kapitenin e tyre Gëzim Morinën, Ylli arriti fitoren e nëntë këtë sezon krahas 12 humbjeve, shkruan Arbresh.info.

Morina u lëndua në ndeshjen e Kosovës me Zvicrën në kuadër të parakualifikimeve për Kampionat Botëror, teksa “Dardanët” e humbën sfidën 73 – 81.

Lidhur me mungesën e kapitenit të Yllit foli edhe Alex Pipan pas ndeshjes me Protonin.

“Gëzim Morina ka pësuar një lëndim jo të lehtë me Kosovën dhe do të mungojë së paku për 8 javë”, u shpreh ai.

Rikthimi do të varet në rrjedhën e sezonit të skuadrës së tij. Aktualisht Ylli është i gjashti dhe në këtë pozicion që është siguron çerekfinalet e Play-offit.

Kujtojmë që kanë mbetur edhe shtatë ndeshje deri në fund të mbylljes së stinorit të rregullt./Arbresh.info