Kryeministri Edi Rama thotë se më 11 maj, shqiptarët duhet të zgjedhin mes anëtarësimit të vendit në BE dhe kënetës.

Në një komunikim online me qytetarët, Rama u shpreh se anëtarësimi në BE, do të jetë pavarësia e dytë e Shqipërisë.

“Zgjedhja që ke në 11 maj, është mes BE dhe kënetës. Me bufin e kënetës, e sigurtë që je me humbësat. Me bufin në kënetë, do hysh në borxh me veten si shqiptar. Të gjithë atyre iu duhet Shqipëria në BE. Ne BE, ne garantojmë 3 gjëra që nuk garantohen askund, garantojmë të mos ketë mungesë të lirisë individuale, që sundimi i ligjit të mos jetë në diskutim dhe garantojmë që standarde demokratike të jetesës, të mos i prekë më askush. Ne BE ka dy kategori shtetet, kontribuesit, dhe përfituesit. Në momentin që një shtet i ri hyn në BE, hyn te përfituesit. Shumë më tepër projekte në infrastrukturë, shumë më mbështetje për kulturën. Fokusohuni sepse dritaren mezi e kemi hapur. Është pavarësia e dytë e Shqipërisë”, theksoi ai./abcnews.al