Haradinaj viziton Krushën: Me përulje e respekt them që dyert e qeverisë kurrë nuk do të jenë të mbyllura për gratë e Krushës

17:25 | 7 Shkurt 2025
R J

Kandidati për kryeministër, Ramush Haradinaj, ka vizituar sot Krushën, për të takuar shqiptarët e kategorive të luftës, të cilët e frymëzojnë për punë.

“Ajo që kanë bërë zonjat Fahrije Hoti, Emire Duraku e gratë e Krushës është fuqia për të kthyer dhimbjen dhe mërzinë në armën më të fortë të fitores për t’u thënë armiqve që ne nuk thyhemi dhe ne nuk ndalemi. Një ndërmarrje e këtillë është model se si qytetari, gruaja është pronare dhe ndërmarrëse”, u shpreh Haradinaj pasi u takua me Fahrije Hotin.

Ai tha se me programin e AAK-së, qytetari bëhet pronar i aksioneve në shtet dhe në sektor privat.

“Me përulje e respekt jam këtu edhe për të thënë që kurrë nuk do të ndodhë që dyert e qeverisë të jenë të mbyllura për gratë e Krushës.”, shtoi Haradinaj.