Kryetari i Kuvendit,  Glauk Konjufca ka shprehur ngushëllime për familjarët e viktimave në aksidentin e sotëm në Çubrel, ku humbën jetën tre persona.

Me anë të një postimi në Facebook, ai u ka uruar të lënduarve shërim të shpejtë, shkruan Arbresh.info.

Konjufca tha se është thellësisht i tronditur me humbjen e tri jetëve në aksidentin e sotëm në magjistralen Mitrovicë – Pejë.

“Familjarëve të viktimave, miqve dhe të afërmve të tyre, u shpreh ngushëllimet më të sinqerta. Shpirti i tyre u prehtë në paqe! Të lënduarve të tjerë shërim sa më të shpejtë”, ka shkruar Konjufca.

Sipas njoftimit të policisë aksidenti me fatalitet ka ndodhur rreth orës 18:40, teksa në aksident kanë qenë të përfshira dy vetura, njëra prej tyre veturë zyrtare e policisë. Si pasojë kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor./Arbresh.info/

LEXO EDHE:

Shkon në tre numri i të vdekurve në aksidentin Mitrovicë-Pejë