Një fabrikë plastike në fshatin Bellacerkë të Komunës së Rahovecit është përfshirë nga zjarri.

Lajmi është konfirmuar për Arbresh.info nga Sheremet Elezaj, zëdhënës i policisë për rajonin e Gjakovës, i cili tha se nuk raportohet për pasoja në njerëz.

Ai tha se në vendin e ngjarjes kanë dalur menjëherë njësitet policore dhe ekipet e zjarrfikësve të cilët janë angazhuar në shuarjen e zjarrit.

“Rreth orës 05:50 të mëngjesit, një zjarr ka përfshirë një fabrikë plastike në fshatin Bellacerkë-Rahovec. Njësitë policore përkatëse kanë dalë menjëherë në vendngjarje. Po ashtu, në vendin e ngjarjes kanë dalë edhe ekipet e zjarrfikësve, të cilët janë aktualisht të angazhuar në shuarjen e zjarrit. Nuk është raportuar për pasoja në njerëz. Në konsultim me Prokurorin e Shtetit, është iniciuar  rast “zjarrvënie”, tha ai./Arbresh.info