Abdixhiku në Istog: Kënaqësi me qenë në shtëpinë tonë politike në Istogun e Ibrahim Rugovës

15:25 | 19 Janar 2025
E.G

Lumir Abdixhiku, kandidati i LDK-së për kryeministër, ka thënë se nuk ka kënaqësi më të madhe se sa kur LDK-ja mblidhet në shtëpinë e vet politike në Istog.

Në tubimin e sotëm me qytetarë atje, ai tha se është në Istogun e Ibrahim Rugovës.

“Istogu jonë kjo kala, kjo kështjellë e pamposhtur e LDK-së, qenka ngritur sot në këmbë dhe kjo ringritje qenka e qartë, kjo ri ngritje qenka e zjarrtë, përgjigja është e thjeshtë, për ata që se kuptojnë Istogu nuk është vetëm LDK, Istogu është vet LDK-ja”, tha ai.

Ndër tjera, ai shtoi se istogasit i qëndruan çdo herë “besnik partisë së Rugovës”.

“Të dashur qytetarë të Istogut ju i keni qëndruar besnik përherë, përherë partisë së Ibrahim Rugovës, birit tuaj e shqiptarit më të madh”, tha Abdixhiku.