Kryeministri i vendit, Albin Kurti në Kaçanik ka vizituar familjen e luftëtarit të Ushtrisë Çlirimtare të Kosovës, Beqir Krasniqi.

Ndërkaq në Han të Elezit te familja e dëshmorëve Gafur e Driton Loku, shkruan Arbresh.info.

“Në Kaçanik në konakun e luftëtarit të Ushtrisë Çlirimtare të Kosovës, Beqir Krasniqi bashkë e në mesin e veteranëve dhe invalidëve të luftës së drejtë e çlirimtare të popullit tonë. Në Han të Elezit te familja e dëshmorëve Gafur e Driton Loku, babë e bir, ushtarë të UÇK-së, përkrah familjarëve që krenaria për ta ua lehtëson dhimbjen.”, ka shkruar Kurti.

Kurti u shpreh se punën më të madhe për kombin tonë e kanë kryer dëshmorët dhe luftëtarët e lirisë.

“Punën më të madhe për kombin tonë e kanë kryer dëshmorët dhe luftëtarët e lirisë. E kontributi i tyre është i përjetshëm. Ata janë dëshmia e së kaluarës sonë, vetëdija e së tashmes dhe busulla për të ardhmen.”, u shpreh Kurti./Arbresh.info/