Trepça po vazhdon përkushtimin ndaj lojtarëve vendorë.

Kjo tregon më së mirë fakti se njëri nga lojtarët më të talentuar në Kosovë, Dardan Kapiti ka vazhduar kontratën e tij edhe për dy vite tjera me kampionët e Kosovës, shkruan Arbresh.info.

Lajmin e ka bërë të ditur vetë skuadra e mitrovicasve përmes një postimi në rrjetin social Facebook.

“Dardan Kapiti do të jetë pjesë e Trepçës edhe për dy sezonet e ardhshme. Ai do të vazhdojë me ngjyrat Gjelbër e Zi drejt sukseseve të reja”, shkruhet në njoftimin e mitrovicasve.

24-vjeçari ka qenë pjesë e sukseseve historike sezonin e kaluar me “xehetarët”, ku kanë fituar katër trofe dhe kanë rikthyer titullin kampion në Mitrovicë pas 12 vitesh.

Teksa këtë sezon me paraqitjet e tij të mira ka bërë që të jetë vendimtar edhe në triumfin e Superkupës.

Kapiti këtë sezon po luan me mesatare prej 9.9 pikëve dhe 7.8 kërcimeve për lojë./Arbresh.info