Kryeministri i vendit, Albin Kurti ka vizituar ish të burgosurin politik, Mentor Kaçi në Gjakovë.

Me anë të një postimi në Facebook, Kurti tha Kaçi bashkë me shokët e tjerë i qepën uniformat e para të Ushtrisë Çlirimtare të Kosovës, përcjell Arbresh.info.

“Për vizitë te Mentor Kaçi, ish i burgosur politik, filmbërës dhe piktor i njohur. Dy herë i burgosur për idealet e lirisë – në vitin 1981 për pesë vjet dhe në vitin 1991 për shtatë vjet. Ai bashkë me shokë tjerë i qepën uniformat e para të Ushtrisë së Kosovës. Veprimtaria e tij si artist dhe aktivist dëshmon lidhjen e fortë mes krijimtarisë artistike dhe përkushtimit kombëtar”, ka shkruar Kurti.

“Në Gjakovë, Mentor Kaçi gëzon respekt të madh për rolin e tij historik dhe artistik. Ishte kënaqësi të bashkëbisedojmë dhe të shpreh vlerësimin tonë për sakrificën dhe trashëgiminë e tij që është shembull frymëzimi për brezat e rinj”, tha Kurti./Arbresh.info