Haradinaj shpreh ngushëllime për ndarjen nga jeta të nënës së dy heronjve të Kosovës, Mujë e Ali Krasniqit

09:01 | 28 Dhjetor 2024
K.B

Kryetari i AAK-së, Ramush Haradinaj ka shprehur ngushëllime për ndarjen nga jeta të Shehide Krasniqit, nënën e dy heronjve të kombit Mujë e Ali Krasniqi.

Haradinaj tha se sakrifica e saj dhe e bijëve të saj është shembulli i madhështisë dhe dashurisë për atdheun.

Ai u shpreh se kujtimi u saj dhe i bijëve të saj do të mbetet i përjetshëm.

“Me dhimbje të thellë mora lajmin për ndarjen nga jeta të nënës Shehide, nënë që lindi dhe rriti dy heronjë të kombit Mujë e Ali Krasniqi. Sakrifica e saj dhe e bijëve të saj është shembull i madhështisë dhe dashurisë për atdheun. Kujtimi i saj dhe i bijëve të saj do të mbetet i përjetshëm në zemrat tona. Ngushëllime të sinqerta familjeve Selimi dhe Krasniqi, dhe të gjithë atyre që e njohën. Qoftë i lehtë dheu i Kosovës për të, dhe qoftë e përjetshme lavdia e bijëve të saj heronjë”, shkroi Haradinaj në Facebook./Arbresh.info/