Kandidati për kryeministër nga Lidhja Demokratike e Kosovës, Lumir Abdixhiku ka thënë se nga 80 mijë persona nga mërgata që janë regjistruar deri më tani, 30 mijë prej tyre janë mbështetës të LDK-së.

Ai ka falënderuar të gjithë ata për regjistrimin masiv, ndërsa ka bërë thirrje për regjistrim, shkruan Arbresh.info

Postimi i tij:

30,000 zemra për Mërgatën!

Ju faleminderit për regjistrimin masiv të mbështetësve tanë! Nga gjithsej 80 mijë të regjistruar, nga të gjitha etnitë, sipas raportimeve të degëve tona, 30 mijë janë mbështetës tanë.

Kujtoj se në zgjedhjet e 14 shkurtit, LDK i kishte vetëm 4,294 vota nga Mërgata! Ky kapërcim i madh është thirrje e kushtrim i fitores!

Janë dhe 24 orë deri në përfundim! Regjistrohuni!

Të shkojmë për 40 mijë! Ndryshimi i nisur në Kosovë le të mbështetet dhe nga bashkëatdhetarët tanë!