Forcat e Mbrojtjes së Ukrainës rrëzuan 58 dronë rusë gjatë natës së kaluar dhe mëngjesin e sotëm, njoftuan Forcat e Armatosura të Ukrainës. Natën e 14 dhjetorit, rusët sulmuan Ukrainën me drone Shahed dhe dronë të llojeve të tjera nga rajonet Kursk, Primorsko-Akhtarsk, Oryol, Bryansk dhe Millerovo, dhe gjithsej 132 dronë u përdorën në sulme, thuhet në njoftimin e Forcave të Armatosura të Ukrainës në Telegram.

Gjithashtu, në njoftim thuhet se sulmi ajror u zmbraps nga njësitë kundërajrore, aviacioni, njësitë e luftës elektronike, grupet e lëvizshme të zjarrit të Forcave Ajrore dhe Forcave të Mbrojtjes të Ukrainës.

Deri në orën 9:00 të mëngjesit të sotëm, 58 dronë të tipit Shahed dhe të tjerë u rrëzuan në zonat e rajoneve të Chernihiv, Suma, Kiev, Poltava, Cherkassy, ​​Vinnytsia, Odesa, Mykoliv, Kharkiv, Dnipropetrovsk dhe Kirovograd.

Për shkak të veprimeve të Forcave të Mbrojtjes, 72 dronë rusë nuk arritën objektivat e tyre dhe humbën, ndërsa dy u kthyen në Rusi. Forcat e Mbrojtjes së Ukrainës njoftuan se natën e 14 dhjetorit zbuluan dhe neutralizuan një duzinë dronë rusë që ishin nisur drejt Kievit./abcnews.al