Ministrja e Turizmit dhe Mjedisit e Shqipërisë, Mirela Kumbaro ka shpërndarë artikullin e mediumit britanik “Travel News” e cila ka përshkruar bukuritë e Shqipërisë përmes inteligjencës artificiale.

Përmes një postimi në Facebook, Kumbaro ka thënë se numri i vizitorëve nga Anglia po rritet ku vetëm nga janari deri në nëntor, Shqipërinë e kanë vizituar 310 mijë britanik.

“Edhe Inteligjenca Artificiale të sjell në Shqipëri. Media britanike “Travel News”, përmes këtij artikulli dedikuar destinacioneve të pushimeve 2025 sipas Inteligjencës Artificiale , përshkruan bukuritë e rivierës sonë si vendi për t’u vizituar vitin e ardhshëm. Ndërkohë vizitorët nga Anglia vijojnë të rriten me shpejtësi vit pas viti, duke u kthyer në lajmëtarët më të mirë të ofertës turistike shqiptare, teksa nga janari në nëntor të këtij viti kemi mirëpritur 310 mijë vizitorë britanikë, ose +41% krahasuar me vjet”, ka shkruar Kumbaro./Arbresh.info