Drejtoria e Arsimit në Vushtrri ndalon përdorimin e telefonave nga nxënësit dhe mësimdhënësit në shkolla

15:34 | 10 Dhjetor 2024
Q L

Drejtoria e Arsimit në Komunën e Vushtrrisë ka marrë vendim që të ndalohet përdorimi i telefonëve mobil nga nxënësit dhe mësimdhënësit në ambientet e shkollave.

Komuna e Vushtrrisë ka njoftuar se ky vendim vjen si reagim ndaj rasteve të fundit, ku përmes sfidave dhe lojërave elektronike janë shkaktuar vetëlëndime të nxënësve.

“Për këtë arsye, drejtori i Arsimit, Albanez Tahiraj, ka nënshkruar vendimin për ndalimin e plotë të përdorimit të telefonëve gjatë orarit mësimor në të gjitha institucionet shkollore”, thuhet në njoftim.

Tutje, thuhet se Drejtoria e Arsimit në këtë komunë mbetet e përkushtuar për monitorimin e zbatimit të këtij vendimi, po ashtu ka apeluar tek prindërit që të rrisin kujdesin ndaj fëmijëve të tyre./Arbresh.info/