Federata e Sindikatave të Shëndetësisë së Kosovës (FSSHK) ka organizuar sot një protestë para Kuvendit të Republikës së Kosovës, duke shprehur pakënaqësinë ndaj politikave të Qeverisë lidhur me sektorin e shëndetësisë.

Me këtë protestë FSSHK po shprehin pakënaqësitë për ndërprerjen e dialogut social me Ministrinë e Shëndetësisë, mospajtimin me propozimin e qeverisë për një rritje të vogël të koeficientit prej 0.5, mosnënshtrimin e Kontratës Kolektive Sektoriale, si dhe injorimi i protestës nga ana e Ministrisë së Shëndetësisë ndaj kërkesave të FSSHK-së.

Protestuesit, të pajisur me pankarta ku shkruhej: “Duam kontrata kolektive”, “Ndaloni zbritjen në paga”, “Kontrata Kolektive – Garanci për të drejtat tona” dhe “Mos na shfrytëzoni, na respektoni”, kanë kërkuar që qeveria të marrë parasysh kërkesat e tyre për përmirësimin e kushteve të punës dhe respektimin e të drejtave të punëtorëve shëndetësorë.

Protesta po zhvillohet në mënyrë paqësore./Arbresh.info