Ministrja e Turizmit dhe Mjedisit e Shqipërisë, Mirela Kumbaro ka thënë se kanë filluar përgatitjet për sezonin turistik veror 2025.

Me anë të një postimi në Facebook, Kumbaro ka thënë se sezoni turistik bregdetar 2025 vjen me ndryshimet ligjore që parashikojnë dyfishim të hapësirave të plazheve publike.

“Po përgatitemi për sezonin turistik 2025, Vazhdojnë të jenë hapura aplikimet në E-Albania për menaxhimin e stacioneve të plazhit për të gjitha subjektet që disponojnë struktura akomoduese pranë bregdetit. Sezoni turistik bregdetar 2025 vjen me ndryshimet ligjore që parashikojnë dyfishim të hapësirave të plazheve publike si dhe shtrirjen në gjithë territorin, prandaj vetëm strukturat hoteliere të certifikuara si të tilla do të mund të menaxhojne stacione private të plazheve”, ka shkruar Kumbaro./Arbresh.info