Begaj dekreton Riza Podën si ambasador i Shqipërisë në Kinë

16:09 | 27 Nëntor 2024
K.B

Presidenti i Shqipërisë, Bajram Begaj dekretoi emërimin në detyrë të zotit Riza Poda si Ambasador i Jashtëzakonshëm dhe Fuqiplotë i Republikës së Shqipërisë në Republikën Popullore të Kinës, rezident, dhe Ambasador i Jashtëzakonshëm dhe Fuqiplotë i Republikës së Shqipërisë në Republikën Popullore të Bangladeshit, në Republikën Popullore Demokratike të Koresë, në Republikën Socialiste të Vietnamit, në Mongoli dhe në Mbretërinë e Tajlandës, jo rezident.

Kandidimi i Riza Podës në këtë pozicion erdhi pas përfundimit të mandatit si ambasador në Kroaci.

Më herët, në vitet 2014-2018, Poda ka qenë ambasador në Republikën Çeke.

Në periudhën kohore 2011-2014 ka kryer detyrën e Konsullit të Përgjithshëm të Shqipërisë në Selanik./abcnews.al