Qeveria e Republikës së Kosovës ka mbajtur mbledhje elektronike në të cilën ka aprovuar projektet kapitale si në vijim si projekte kapitale shumë-vjeçare.

Zyra e Kryeministrit bën të ditur se është miratuar vendimi për ndërtimin e stadiumeve në katër qytete, Pejë, Prizren, Ferizaj, Vushtrri.

Njoftimi plotë i ZKM-së:

Qeveria e Republikës së Kosovës ka mbajtur mbledhje elektronike në të cilën ka:

– Aprovuar projektet kapitale si në vijim si projekte kapitale shumë-vjeçare:

• Ndërtimi i Stadiumit të Qytetit në Pejë;

• Renovimi i Stadiumit “Përparim Thaçi” në Prizren;

• Ndërtimi i Stadiumit të Qytetit në Ferizaj;

• Renovimi i Stadiumit të Qytetit në Vushtrri;

• Renovimi i Galerisë Kombëtare.

– Emëruar Komisionin Ad hoc për Vlerësimin Profesional për Pranim për Pozitën e Lartë të Kategorisë Drejtuese: “Drejtor i Përgjithshëm në Drejtorinë e Përgjithshme të Akreditimit”.

– Emëruar Komisionin Ad hoc për Vlerësimin Profesional për Pranim për Pozitën e Lartë të Kategorisë Drejtuese: “Drejtor i Përgjithshëm në Agjencinë e Metrologjisë së Kosovës”.

– Miratuar nismën për lidhjen e Marrëveshjes së Financimit ndërmjet Republikës së Kosovës, e përfaqësuar nga Ministria e Financave, Punës dhe Transfereve dhe Agjencisë Franceze për Zhvillim për Programin e Kredisë të Bazuar në Politika./Arbresh.info/