Zëvendëskryeminstri i vendit, Besnik Bislimi ka reaguar ndaj vendimit të Gjykatës Supreme të Serbisë për të mos dënuar Aleksandar Vulin, ish-ministrin e Mbrojtjes, për deklaratat e tij të cilësuara si diskriminuese dhe denigruese ndaj shqiptarëve.

Në një postim në platformën “X”, Bislimi tha se këto vendime thellojnë shqetësimet tona në lidhje me të drejtat dhe sigurinë e minoritetit shqiptar, shkruan Arbresh.info.

“Diskriminimi dhe gjuha e urrejtjes tani janë normë në Serbi. Me sa duket është e ligjshme, sipas ligjit serb, të përdoren terma nënçmues ndaj shqiptarëve. Vendimi i Gjykatës Supreme të Serbisë për deklaratat e zëvendëskryeministrit Vulin thellojnë shqetësimet tona në lidhje me të drejtat dhe sigurinë e minoritetit shqiptar.”, ka shkruar ai./Arbresh.info/

Discrimination & hate speech are now a norm in Serbia. Apparently it is legal under Serbian law to use derogatory terms against Albanians. The ruling from the Serbian Supreme Court on the statements of DPM Vulin deepen our concerns regarding the Albanian minority rights & safety. pic.twitter.com/Ky2OFsciqt

— Besnik Bislimi (@BislimiBesnik) November 4, 2024