Ministri i Punëve të Jashtme të Shqipërisë, Igli Hasani, shprehu kënaqësinë e tij gjatë një takimi me një grup bashkëkombasish në Montreal të Kanadas.

Në këtë takim, u vlerësua roli thelbësor i diasporës në zhvillimin ekonomik të Shqipërisë, si dhe mundësitë për investime në sektorë të ndryshëm si infrastruktura, teknologjia dhe turizmi.

Ministri Hasani theksoi gjithashtu rëndësinë e pjesëmarrjes së diasporës në zgjedhjet e 2025.

“Vlerësuam rolin thelbësor të diasporës në zhvillimin ekonomik të Shqipërisë, mundësitë për investime në sektorë si infrastruktura, teknologjia dhe turizmi, dhe më në fund, mundësinë e shumëpritur për pjesëmarrje në zgjedhjet e 2025.Jemi të vendosur të forcojmë lidhjet mes diasporës dhe vendit tonë, duke bërë së bashku hapat e fundit drejt realizimit të qëllimit tonë për integrim në Bashkimin Evropian dhe Shqipërisë 2030”, shkroi Hasani./Arbresh.info