Hamza në Kamenicë: Vendi ka nevojë për një lidership të ri që të rinjtë të mos na ikin

21:18 | 28 Tetor 2024
E.H

Kandidati për kryeministër nga radhët e PDK-së, Bedri Hamza ka zhvilluar punëtorinë e radhës për programin e tij qeverisës në Kamenicë.

Me anë të një postimi në Facebook, Hamza tha se Kamenica është njëra prej vendbanimeve me ikjen më të madhe të të rinjve për shkak të mungesës së perspektivës, përcjell Arbresh.info.

“Kamenica është njëra prej vendbanimeve me ikjen më të madhe të të rinjve për shkak të mungesës së perspektivës. Sonte i takova qytetarët e kësaj komune për t’iu treguar se ky vend ka shpresë. Kosova ka nevojë për një qeveri që e ndërton më mirë të sotmen dhe më sigurt të ardhmen. Ka nevojë për një lidership të ri, që e zhvillon ekonominë dhe krijon perspektivë të re, që të rinjtë të mos na ikin, por të qëndrojnë këtu, të krijojnë familje, t’i rrisin fëmijët dhe të punojnë në vendin e tyre”, tha Hamza./Arbresh.info