Yamal para “El Classicos”: Ne besojmë se jemi ekipi më i mirë në botë

09:51 | 24 Tetor 2024
D.H

Fantazisti spanjoll, Lamine Yamal dhuroi spektakël edhe mbrëmë në ndeshjen ndaj Bayern Munich, ku Barcelona triumfoi bindës me rezultat 4-1.

Përveç paraqitjes së mirë, ai dhuroi edhe një asistim magjik për Raphinha realizoi golin që ia kompletoi hattrickun, shkruan Arbresh.info.

Pas ndeshje, Yamal theksoi se Barcelona është skuadra më e mirë dhe pati një mesazh para “El Classicos”.

“Ne besojmë se jemi ekipi më i mirë në botë, ne po e dëshmojmë këtë. Ne do të shkojmë me të gjitha forcat tona dhe le të fitojë skuadra më e mirë”, tha Yamal.

Kujtojmë se Barcelona të shtunën zhvillon derbin elitar me Real Madridin me fillim nga ora 21:00 në kuadër të La Ligas.

Fituesi i Euro 2024 me Spanjën këtë sezon deri më tani ka realizuar pesë gola dhe shtatë asistime në të gjitha kompeticionet në 13 ndeshjet e para me Barcelonën./Arbresh.info