Kryetari i Partisë Demokratike të Kosovës (PDK), Memli Krasniqi i ka shprehur ngushëllime familjes dhe bashkëpunëtorëve për vdekjen e gjeneralit Mike Jackson, komandantit të parë të KFOR-it pas luftës në Kosovë.

Me anë të një postimi në Facebook, Krasniqi tha se roli i gjeneralit në ruajtjen e paqes dhe stabilitetit në një kohë sfiduese për popullin tonë ishte jetik, shkruan Arbresh.info.

“Përkushtimi i tij në bashkëpunimin me krerët e UÇK-së dhe në përpjekjet për paqe do të mbetet gjithmonë i paharruar.”, u shpreh ai.

“Pushoftë në paqe”, përfundoi Krasniqi.

Ndryshe, lajmin për vdekjen e gjeneralit Jackson e ka bërë të ditur Ambasada e Mbretërisë së Bashkuar në Kosovë në rrjetin social ‘Facebook.

Jackson në emër të NATO-s, ka negociuar  në Kumanovë me ushtarakët serbë për kapitullimin e Jugosllavisë./Arbresh.info/

LEXO EDHE:

Vdes komandanti i parë i KFOR-it, Gjenerali Mike Jackson