Shqipëria sot zyrtarisht ka hapur kapitullin e parë të negociatave për anëtarësim në Bashkimin Evropian.

Kryeministri shqiptar, Edi Rama e ka quajtur këtë moment historik si kurorëzim i përpjekjeve të deritanishme të Qeverisë, përcjell Arbresh.info.

Rama në llogarinë e tij në Facebook, ka thënë se përmbajtja e këtij Grupi-Kapitujsh do t’ua ndriçoj fillin e arsyes të gjithë atyre që ngritën akuza.

Postimi i plotë:

Një moment historik kurorëzimi i përpjekjeve të mëdha të deritanishme në fushën e mirëqeverisjes, sundimit të ligjit dhe antikorrupsionit*

Shqipëria hapi zyrtarisht negociatat për Grup-Kapitujt, “Themeloret”:

-Funksionimi i institucioneve demokratike

-Reforma në administratën publike

-Gjyqësori dhe të drejtat themelore

-Drejtësia, liria dhe siguria

-Kriteret ekonomike

-Prokurim publik

-Statistikat

-Kontrolli financiar

*mbase përmbajtja e këtij Grupi-Kapitujsh dhe volumi i detyrave për t’u kryer, do t’ua ndriçojë fillin e arsyes edhe të gjithë atyre që ngritën akuza të paarsyeshme kundër Komisionit të Posaçëm Parlamentar për Mirëqeverisjen, Sundimin e Ligjit dhe Antikorrupsionin