Shqipëria ka arritur të mposht Gjeorgjinë në udhëtim me rezultat 0-1 në kuadër të ndeshjes së katërt në Ligën e Kombeve.

Pjesa e parë u përmbyll pa gola me pak mundësi shënimi, shkruan Arbresh.info.

Teksa tre minuta pas nisjes së 45 minutëshit të dytë ishte Kristjan Asllani me një super gol që zhbllokoi sfidën, për 0-1.

Shqipëria pati edhe disa munëdsi të mira shënimi me Jasir Asanin, Nedim Bajramin dhe në fund me Taulant Seferin mirëpo asnjëri nuk ishte i saktë në goditjen e tyre.

Kuqezinjtë u mbyllën mirë në mbrojtje dhe nuk lanë hapësira për shënim për vendasit të cilët u munduan me çdo kusht të gjenin golin e barazimit, mirëpo nuk ia arritën dhe të përzgjedhurit e Sylvinhos arkëtuan tre pikët e radhës.

Pas katër ndeshjeve, Shqipëria ka gjashtë pikë aq sa ka edhe Gjoergjia dhe Çekia, mirëpo kjo e fundit ka për të zhvilluar sfidën e mbetur me Ukrainën sonte.

Dy sfidat vendimtare kombëtarja kuqezi i luan në “Air Albania” në muajin nëntor, fillimisht ndaj Çekisë, pastaj me Ukrainën./Arbresh.info