Presidentja e vendit, Vjosa Osmani ka kujtuar Masakrën e Abrisë.

Osmani tha se shteti i Kosovës është i përkushtuat për ta ruajtur kujtesën, sikurse edhe për të vendosur drejtësi, shkruan Arbresh.info

Presidentja nderoi edhe sakrificën heroike të dëshmorëve të UÇK-së Valdet Xhemajli, Vesel Demaku dhe Afrim Hajdari, të cilët ranë në altarin e lirisë, duke mbrojtur dinjitetin dhe të ardhmen e Kosovës.

Postimi plotë:

26-vjet më parë, regjimi gjenocidal i Millosheviqit kreu masakrën brutale ndaj 23 anëtarëve të familjes Deliu, nga fëmija 2 vjeç, të rinj, gra e deri te plaku 94 vjeç.

Jetët e tyre u morën mizorisht, por kujtimi për ta është i përhershëm. Nuk do të harrojmë kurrë. Jemi të përkushtuar për ta ruajtur kujtesën për ta, sikurse edhe për të vendosur drejtësi.

Sot, nderojmë edhe sakrificën heroike të dëshmorëve të UÇK-së Valdet Xhemajli, Vesel Demaku dhe Afrim Hajdari, të cilët ranë në altarin e lirisë, duke mbrojtur dinjitetin dhe të ardhmen e Kosovës.

Qoftë i përjetshëm kujtimi për martirët dhe dëshmorët e Abrisë!./Arbresh.info/