Kongresisti Ritchie Torres, njëherësh bashkëkryesues i Grupit për Çështjet Shqiptare në Kongresin amerikan, ka kujtuar njëvjetorin e sulmit terrorist në Banjskë.

Me anë të një postimi në Facebook, Torres ka kërkuar që autorët e sulmit të mbajnë përgjegjësi.

“Sot janë bërë një vit nga sulmi terrorist në Banjska të Kosovës. E nderojmë sakrificën e policit Afrim Bunjaku në mbrojtjen e popullit gjatë këtij sulmi dhe kërkojmë që autorët të mbajnë përgjegjësi për veprimet e tyre brenda Kosovës”, ka shkruar Torres.

Kujtojmë se të martën janë bërë një vit nga sulmi terrorist në Banjskë të Zveçanit, ku mbeti i vrarë rreshteri i Policisë së Kosovës, Afrim Bunjaku.

Kryeministri i vendit, Albin Kurti ka vizituar dje familjen e heroit si dhe ka bërë përurimin një rrugë në Zveçan me emrin e Afrim Bunjakut.

Po ashtu, edhe ambasadori amerikan në Kosovës, Jeffry Hovenier ka bërë homazhe tek varri i Afrim Bunjakut teksa ka bërë thirrje që të përfshirët në këtë krim, të mbajnë përgjegjësi./Arbresh.info