Ministri i Shëndetësisë, Arben Vitia ka njoftuar për shërbimet e reja në Neurokirurgji.

Vitia me anë të një postimi në Facebook tha se kjo klinikë u furnizua me aparatura të teknologjisë më moderne që lehtëson punën e stafit.

Ndërsa ka falënderuar profesionistët shëndetësor për profesionalizmin dhe përkushtimin e tyre, shkruan Arbresh.info

Njoftimi i plotë i ministrit Vitia:

Shërbimet e reja në Neurokirurgji

Mikroskopi elektronik i konektuar me neurinavigator, paisje këto të gjeneratës më të re, po mundësojnë operimet kraniocerebrale të tumorëve ne thellësi të trurit si dhe aneurizmave cerebrale me malformacioneve arteriovenoze.

CUSA si pajisje moderne mundëson përthithjen e tumorëve dhe hemostazës gjatë operimeve.

C arm (skopi) pajisje radiologjike 3D mundëson operimet e shtyllës kurrizore.

4 operime përfunduan me sukses tek rastet me tumore të thella. Së shpejti pritet të nisë puna edhe me neuroendoskop.

Kjo klinikë u furnizua me aparatura të teknologjisë më moderne që lehtëson punën e stafit, pacientët marrin shërbime më cilësore dhe poashtu kursehet buxheti i shtetit, meqë nuk kanë nevojë të referohen jashtë institucioneve publike shëndetësore

Më shumë shërbime, më shumë paisje moderne e cilësore. Për më shumë shëndet. Transformimi vijon!

Falenderojmë profesionistët shëndetësor për profesionalizmin dhe përkushtimin e tyre!