Policia e Kosovës, Rajoni i Prishtinës ka bërë të ditur aktivitetet e zyrtarëve policor të rajonit të Prishtinës gjatë javës së kaluar.

Sipas njoftimit, policia e rajonit të Prishtinës ka rezultuar mbi 200 urdhëresa të gjykatave, 63 prej tyre për vepra penale, raporton Arbresh.info

“Nga zyrtarët policor të rajonit Prishtinës , gjatë javës së kaluar në lokacione të ndryshme e aksione të ndara, janë realizuar  226 urdhëresa të gjykatës, prej tyre 63 urdhëresa për vepra penale, ndërsa të tjerat për kundërvajtje, seanca, verifikime etj. Konform urdhëresave, pas përfundimit të procedurave policore,  personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa”, thuhet në njoftim.

Po ashtu, gjatë policia ka sekuestruar 20 armë zjarri të llojeve të ndryshme.

​“Ndërkohë që aktivitete policore janë shtrirë  edhe në segmente të tjera të sigurisë. Gjatë periudhës së njëjtë, janë sekuestruar 20 armë zjarri, të llojeve dhe kalibrave të ndryshëm. Ndërkaq aktivitetet policore  në sferën e sigurisë në trafikun rrugor”, bën të ditur policia.

Në po të njëjtën periudhë kohore, sipas policisë, kanë rezultuar me shqiptimin e 4864 masave administrative me gjobë për lloje të ndryshme të kundërvajtjeve dhe shkeljeve të kodit rrugor./Arbresh.info/