Kryeministri i Kosovës, Albin Kurti, ka komentuar takimin e tij me William Burns, shefin e Agjencisë Qendrore amerikane të Inteligjencës (CIA), duke e cilësuar atë si shumë të suksesshëm.

Në një deklaratë, Kurti theksoi se takimi ka ecur shumë mirë dhe ka theksuar rëndësinë e bashkëpunimit të ngushtë me SHBA-në dhe institucionet e saj të inteligjencës dhe sigurisë.

“Kemi bashkëpunim me ShBA-të dhe me këtë institucion tejet të rëndësishëm të inteligjencës dhe sigurisë, para së gjithash përmes Agjencisë së Kosovës për Inteligjencë. Unë e falënderoj shefin e CIA-s William Burns që vizitoi vendin tonë, dhe kjo është dëshmi tjetër e përkujdesit dhe përkushtimit të SHBA-ve për sigurinë dhe parandalimin e çfarëdo kërcënimi të sigurisë për republikën tonë në kuadër të marrëdhënieve bilaterale me ShBA-të dhe të paqes dhe stabilitetit dhe sigurisë rajonale në Ballkanin Perëndimor”, u shpreh Kurti./Arbresh.info

LEXO EDHE:

“800 mijë euro”, Kurti: Me renovimet në Klinikën Emergjente, mjekët s’do të përballen më me vështirësi