Presidentja e Republikës së Kosovës Vjosa Osmani është nderuar nga M100 Sanssouci Colloquium me Çmimin M100 Media Award për përkushtimin e saj ndaj vlerave euroatlantike dhe për “punën e saj të palodhur në reforma, forcimin e demokracisë, kursin proevropian, luftën kundër korrupsionit, si dhe për barazinë dhe të drejtat e grave”.

Këtë çmim e ka pranuar gjithashtu edhe kryeministri i Polonisë, Donald Tusk, përcjell Arbresh.info.

Në platformën “X”, ka shkruar për këtë ambasadori gjerman, Jorn Rohde, i cili lavdëroi Osmanin për angazhim ndaj vlerave të përbashkëta.

“Urime Vjosa Osmani për këtë çmim që do të jepet në prani të kancelarit gjerman Olaf Scholz. Angazhimi juaj i vendosur ndaj vlerave tona të përbashkëta, lirisë dhe multilateralizmit e bëjnë Kosovën një zë kritik dhe shumë të nevojshëm në BE dhe më gjerë”./Arbresh.info/

I am truly honored to be awarded the #M100MediaAward alongside Polish Prime Minister @donaldtusk. Moments like these remind us that the fight for democracy, freedom, and justice is never over—it’s something we must work for every day. Kosovo’s journey has been one of courage and… pic.twitter.com/x3Ht3zSDfP

— Vjosa Osmani (@VjosaOsmaniPRKS) August 21, 2024