Shumë basketbollistë të huaj Kosovën e shohin si ‘trampolinë’ për të depërtuar më lehtë nëpër kampionate të forta evropiane.

Performancat e jashtëzakonshme të Alonzo Verge Jr me Golden Eagle Yllin iu shpërblyen, shkruan Arbresh.info.

Tani më ai ka gjetur skuadrën e re për sezonin e ri dhe do të jetë në një nga ligat më të forta në Evropë atë të Turqisë.

Ish-basketbollisti i Yllit u transferua Yalova në Superligën e Turqisë.

Lajmin e ka bërë të ditur vetë skuadra turke përmes një postimi në rrjetin social Facebook.

Verge Jr që shkëlqeu sezonin që lamë pas ku falë tij Ylli arriti në finale të Ligës Unike dhe të basketbollit kosovar, por në dy rastet u mposht nga Trepça.

Amerikani në sezonin e kaluar u shpall pikëshënuesi më i mirë në Superligën e Kosovës me 24.2 pikë për ndeshje.