Zëvendëskryeministri i Kosovës, Besnik Bislimi ka reaguar ndaj një mesazhi antishqiptar të vendosur në Shtëpinë e Shëndetit në Bujanoc.

Me anë të një postimi në “X”, ai mesazhin e quajti si pjesë të një modeli më të madh kërcënimesh dhe represionesh kundër shqiptarëve në Luginën e Preshevës, shkruan Arbresh.info.

“Vdekje shqiptarëve, nuk ju duam, Kosova është Serbi!’ Një tjetër mesazh urrejtës është gjetur sot në hyrje të repartit të fëmijëve në Bujanoc. Ky nuk është një incident i izoluar, por pjesë e një modeli më të madh kërcënimesh dhe represionesh kundër shqiptarëve në Luginën e Preshevës”, ka shkruar ai.

“Death to Albanians. We don’t want you. Kosovo is Serbia!” Another hateful message was found today at the entrance of the children’s ward in Bujanovc. This is not an isolated incident, but part of a larger pattern of threats & repression against Albanians in the Presheva Valley. pic.twitter.com/nKmM6QGd2b

— Besnik Bislimi (@BislimiBesnik) August 19, 2024

Ndaj këtij mesazhi antishqiptar ka reaguar edhe deputeti i vetëm shqiptar në Kuvendin e Serbisë, Shaip Kamberi.

Kamberi, përmes një postimi në Facebook, ka theksuar se këto mesazhe janë një tregues i rritjes së tensioneve dhe urrejtjes ndaj shqiptarëve në Bujanoc./Arbresh.info/

LEXO EDHE:

Kamberi reagon ndaj një mesazhi antishqiptar në Bujanoc