Që nga orët e hershme të mëngjesit edhe të mërkurën po vazhdojnë punimet në sanimin dhe lyerjen e mureve.

Policia, Karabinierët dhe KFOR-i në lëvizje si zakonshëm janë te ura e Ibrit në Mitrovicë.

Dje kryeministri Albin Kurti, ka takuar Komandantin e KFOR-it, Özkan Ulutas. Gjatë takimit u diskutua rreth bashkëpunimit ndërmjet Qeverisë, institucioneve të sigurisë dhe misionit të NATO-s në Kosovë, KFOR-it, në shërbim të ruajtjes së sigurisë dhe paqes në vend, thuhet në njoftimin e zyrës së kryeministrit.

Ndryshe dje edhe Misioni i KFOR-it i udhëhequr nga NATO ka ripohuar përkushtimin e tij të palëkundur për të kontribuar në një mjedis të sigurt për të gjithë njerëzit dhe komunitetet që jetojnë në Kosovë në çdo kohë dhe në mënyrë të paanshme, nën mandatin e tij./rtk