Mitropoliti ortodoks i Beratit, Vlorës dhe Kaninës, Imzot Ignati ka ndërruar jetë në moshën 89-vjeçare.

Lajmin e ka bërë të ditur, presidenti i Republikës së Shqipërisë, Bajram Begaj, i cili ka shprehur ngushëllimet komunitetit ortodoks për humbjen e tij.

Postimi i plotë:

“Sot, besimtarët ortodoksë të Beratit, Vlorës dhe Kaninës humbën Mitropolitin e tyre, Hirësinë e Tij, Imzot Ignatin. Arvanitas, me origjinë nga Thiva e Greqisë, ai e zotëronte shumë mirë gjuhën shqipe.

Nga viti 1998, deri më sot, në misionin e tij si Mitropolit ai punoi pa u lodhur për ringritjen e kishës, ndihmën e njerëzve në nevojë dhe mbarëvajtjen e harmonisë fetare në vend.

Shpreh ngushëllimet e mia për besimtarët e Mitropolisë së hirshme të Beratit dhe gjithë komunitetit ortodoks të Shqipërisë për humbjen e këtij bariu të kishës!

I përjetshëm qoftë kujtimi i tij!

Ngushëllime!”, ka shkruar Begaj.