Lordi George Robertson, ish-ministër i Mbrojtjes së Mbretërisë së Bashkuar, në fjalimin e tij për nder të 25-vjetorit të çlirimit të vendit, kujtoi angazhimin e tij, së bashku me homologët e tij nga Gjermania, Franca, SHBA-ja për ngjarjet në Kosovë.

“Si ish-sekretar i Mbrojtjes së Mbretërisë së Bashkuar, së bashku me homologët tjerë nga Gjermani, Franca, SHBA-së biseduam se çfarë po ndodhte në Kosovë. I konsultuam strukturat e Inteligjencës dhe raportimet e medieve dhe dëgjuam lutjet e njerëzve nga malet dhe ne dinim se vetëm ju e dini se çfarë ndodhte këtu në atë kohë. E dinim se diçka duhej të ndodhte se diçka duhej të bëhej që gjithçka të ndalonte. E dinim se Kombet e Bashkuara ishin të paralizuara nga vetot e Rusisë dhe Kinës. E dinim se diçka duhej të veprua së bashku pavarësisht të rezolutës së Kombeve të Bashkuara, por ne e dinim gjithashtu se mosveprimi ynë do të lejonte që Milloshviqi të vazhdonte edhe më tej spastrimin etnik të shqiptarëve nga vendi i tyre.

Robertson tha se pas 78 ditë të bombardimeve, u panë rezultatet dhe objektivi i NATO-s u plotësua.

“Ne dinim çfarë duhej të bëhej dhe e bëmë dhe 78 ditë më vonë ne pamë objektivin tonë të plotësuar. Ushtria e Milloshveiqit u largua, NATO-ja hyri dhe refugjatët u kthyen në shtëpi”, tha ai.

Ai mes tjerash u shpreh krenar për atë se çfarë ka bërë atëherë dhe krenar të për të sotmen, në një Kosovë shumetnike, paqësore në zemër të Evropës./rtk/