Arrestohet i mituri në Podujevë, dyshohet se goditi me çekan një të mitur tjetër

08:37 | 26 Maj 2024
E.G

Policia e Kosovë ka arrestuar një të mitur në Podujevë pasi që i njëjti dyshohet se ka goditur me çekan një të mitur tjetër.

Sipas policisë, rasti ka ndodhur në fshatin bradash të Podujevës, shkruan Arbresh.info.

Në raportin 24 orësh të policisë bëhet e ditur se viktima ka pësuar lëndime të rënda trupore dhe është dërguar në QKUK.

Me vendim të prokurorit për të mitur, i dyshuari dërgohet në mbajtje.

“LËNDIM I RËNDË TRUPOR

Fsh. Bradash, Podujevë 25.05.2024 – 18:35. Viktima i mitur mashkull kosovar, raporton se pas një mosmarrëveshje me të dyshuarin të mitur mashkull kosovar, është goditur me një çekan. Viktima ka pësuar lëndime të rënda trupore dhe i njëjti është dërguar në QKUK . Me vendim të prokurorit për të mitur, i dyshuari dërgohet në mbajtje.”, thuhet në raportin 24 orësh të policisë./Arbresh.info/