Komuna konfirmon dëmtimin e disa automjeteve nga rënia e skeleve “Te Qafa”

16:47 | 22 Maj 2024
E.G

Komuna e Prishtinës ka njoftuar se një numër i madh i automjeteve të parkuara janë dëmtuar nga rënia e skeleve në një kompleks “Te Qafa”

Me anë të një njoftimit, komuna bëri të ditur se ndërtesa ishte duke u renovuar në kohën kur janë vënë skelet, shkruan Arbresh.info.

“Ekipet e Drejtorisë së Sigurisë dhe Emergjencave së bashku me Brigadën Profesionale të Zjarrfikësve dhe Policinë e Kosovës kanë dal në vendin e ngjarjes dhe kanë evituar rrezikun e mëtejshem.”, thuhet në njoftim.

“Ekipet e Drejtorisë për Siguri dhe Emergjenca të Kryeqytetit me në krye drejtorin, Lulzim Fushtica, kanë punuar deri mbas mesnate që të pastrojnë dhe sanojnë lokacionin dhe të sigurojnë lëvizjen e lirë të qytetarëve dhe evitojnë çdo rrezik të mundshëm.”, thuhet tutje./Arbresh.info/