Kryeministri i Shqipërisë Edi Rama, sot në Ditën Ndërkombëtare të Punëtorëve ka publikuar një video nga qyteti i Shkodrës.

Në videon e publikuar nga Rama shihen punëtorët që sipas tij me punën e tyre po rrisin ekonominë e tyre dhe të vendit

Sipas Ramës këta punëtorë me aftësinë e tyre kanë bërë gjëra të mundura që deri dje dukeshin të pamundura.

“Mirëmëngjesi dhe nga Shkodra, ku njerëzit e punës po bëjnë të mundura deri edhe në majat e maleve, gjëra që deri dje dukeshin të pamundura, duke rritur hap pas hapi një ekonomi të shëndetshme për familjen e për vendin me besimin tek puna, respektin për punën e njëri-tjetrit, bashkimin e forcave për punë që s’bëhen dot vetëm, ju uroj në këtë një 1 maj vetëm të mira, shëndet e suksese të gjithë njerëzve të punës kudo ku janë”, shkruan Rama në Facebook./Arbresh.info/