Xabi Alonso është kandidati kryesor për të pasuar Jurgen Klopp në Liverpool në fund të sezonit.

Bayern Munichu gjithashtu po përpiqet shumë për ta marrë trajnerin spanjoll si zëvendësues të Thomas Tuchel.

Megjithatë, skuadra e tij aktuale Bayer Leverkusen ka ide të tjera.

“Xabi Alonso ka një kontratë deri në vitin 2026 dhe nuk ka asnjë arsye për të dyshuar se ai do të qëndrojë këtu”, deklaroi drejtori gjeneral i Bayer, Fernando Carro.

“Në futboll nuk e dini kurrë se çfarë do të ndodhë, por unë kam shumë besim, ne kemi një marrëdhënie të mirë”.

Spanjolli e ka udhëhequr skuadrën e tij Leverkusen në një epërsi prej dhjetë pikësh ndaj Bayernit në Bundesligë. Me tetë ndeshje të mbetura, Leverkuseni ka një shans të madh për të fituar titullin e parë të ligës në historinë e tyre 119-vjeçare. /Telegrafi/