Ministri i Mbrojtjes, Ejup Maqedonci ka marr pjesë në inaugurimin e Qendrës Shtetërore Trajnuese për Sigurinë Kibernetike.

Në fjalën e tij të rastit, Maqedonci theksoi se kjo qendër ka qenë parim institucional ndërsa tregoi për mundësit që ofron Qendra, raporton Arbresh.info.

“Marr parasysh se viteve të fundit strategjia e luftës me qëllim destabilizimi ka ndërruar dukshëm, sulmet kibernetike janë më të shpeshta. Konform këtyre rrethanave edhe ministria e Mbrojtjes është duke zhvilluar politika të saj dhe krijimi i kësaj qendre ka qenë ndër prioritet kryesore për këtë vit. Synimi ynë është që përmes kësaj qendre të trajnojmë institucionet e sigurisë, t’i bëjmë ballë çdo sulmi të kësaj natyre. Qendra shtetërore Trajnuese për Siguri Kibernetike do të ofroj trajnim me qëllim të ngritjes së ndërgjegjësimit të rrezikut në fushën e sigurisë kibernetike, të siguroj aftësi profesionale dhe të ndihmojë në ngritjen e niveleve të sigurisë kibernetike”, tha Maqedonci.

Kurikula e Qendrës përfshinë një gamë temash që trajtojnë sigurinë kibernetike në nivel individual dhe organizativ”, shtoi ai.

Në fund, Ministri Maqedonci falënderoi ambasadën britanike dhe amerikane qe mundësuan realizimin e këtij projekti me interes të lart shtetëror./Arbresh.info/

LEXO EDHE:

Inaugurohet Qendra Shtetërore Trajnuese për Siguri Kibernetike/ Kurti: Një arritje domethënëse në këtë rrugëtim