Armando Broja, sipas të gjitha gjasave, nuk do të lëvizë nga Chelsea në orët e mbetura të merkatos së janarit. Media angleze shkruan se drejtuesit e bluve të Londrës kanë refuzuar ofertën e Wolverhamptonit për huazimin e sulmuesit kuqezi.

Klubi londinez i ka vënë një çmim të majmë prej 50 milionësh 22-vjeçarit, i cili në këtë sezon ka shënuar vetëm dy gola në 19 paraqitje nën drejtimin e Mauricio Pochettinos. Trajneri argjentinas ende nuk është i bindur për ta mbajtur Brojën, por Chelsea nuk ka ndërmend ta huazojë, pasi i nevojiten para për shkak të rregullave të Fair Play-t Financiar. Përveç Brojës, në shitje është edhe Trevoh Chalobah.

Pra, një huazim i sulmuesit shqiptar nuk është në interes të skuadrës londineze, që nuk ka pranuar as të hyjë në bisedime me
Wolves për formulën e huazimit.

Wolves nuk është klubi i vetëm që është ka shfaqur interes për Brojën, pasi sulmuesi pëlqehet shumë edhe nga Aston Villa.

Chelsea është i interesuar për sulmuesin e “Villans”, Jhon Duran, 20 vjeç, kështu që ekziston mundësia që të ndodhë një shkëmbim mes lojtarëve./ss