Kryetari i Partisë Demokratike të Kosovës (PDK), Memli Krasnqi sot Ditën Ndërkombëtare të Holakausti ka nderuar viktimat dhe të mbijetuarit e një prej periudhave më të errëta të historisë së njerëzimit.

Krasniqi tha se në këtë ditë , lutemi që të gjitha konfliktet dhe luftërat që po ndodhin sot kudo nëpër botë – të përfundojnë sa më parë.

“Në Ditën e Përkujtimit të Holokaustit, kujtojmë dhe nderojmë viktimat dhe të mbijetuarit e një prej periudhave më të errëta të historisë së njerëzimit. Po në këtë ditë, lutemi që të gjitha konfliktet dhe luftërat që po ndodhin sot kudo nëpër botë – të përfundojnë sa më parë”, shkruan ai.

Krasniqi thotë se lufta nuk ka fitues, por ka viktima të pafajshme.

“Lufta nuk ka fitues të vërtetë – por ka viktima të pafajshme, shtëpi e familje të shkatërruara, gjenerata të humbura, të ardhme të pashpresë dhe një botë me shumë dhembje e pa qetësi”, shkruan ai.

Ai thotë se toleranca dhe mirëkuptimi, duhet të jenë virtytet shtytëse të njerëzimit.

“Andaj, toleranca dhe mirëkuptimi, duhet të jenë virtytet shtytëse të njerëzimit në rrugën drejt paqes”, përfundon ai./Arbresh.info/