Ministrja e Ekonomisë, Artane Rizvanolli, ka marrë fjalën para deputetëve në Kuvendin e Kosovës.

Ajo ka folur për çmimin e energjisë elektrike, në kuadër të pikës së rendit të ditës që është Shqyrtimi i Propozim-rezolutës në lidhje me çmimin dhe faturimin aktual të energjisë elektrike për konsumatorët, shkruan Arbresh.info.

Rizvanolli tha se vitet e fundit kanë qenë të vështira për Kosovën në sektorin e energjisë.

“Vitet e fundit kanë qenë sfiduese per sektorin e energjisë në Kosovë dhe në tërë Evropën, kriza energjetike u përballua me sukses në mënyrën më të mirë të mundshme, brenda kushteve objektive të Kosoës, me gjithë sfidat e sektorit e kapacitetet e stërvjetuara gjeneruese”, u shpreh ajo.

Tutje, ministrja e Ekonomisë tha se kanë arritur të dalin nga kriza duke përdorur politika të mençura.

“Prej kësaj patëm shumë vështirësi, përfshirë edhe nevojën për subvencionim nga buxheti i shtetit, e rritjen e tarifave për konsumatorët fundorë, mirëpo nga kriza e me politika të mençura të përballjes, me krizën nxorrëm edhe mësime e përfitime afatgjate si shtet”, potencoi Rizvanolli.

Mes tjerash, ajo tha se kriza erdhi edhe si pasojë e dështimeve të qeverive të kaluara./Arbresh.info/