Komisioni Qendror i Zgjedhjeve sot do të mbajë mbledhjen e radhës ku në rend dite është shqyrtimi dhe miratimi i rekomandimit të Zyrës, për miratimin e vendimit për caktimin e lartësisë së mjeteve nga Fondi për Mbështetjen e Subjekteve Politike për vitin 2024.

Mbledhja do të mbahet sot në ora 13:30.

Në rend dite, përveç çështjes së mjeteve për subjektet politike, është dhe shqyrtimi dhe miratimi i draft Planit Final të Prokurimit për vitin 2024. Pastaj shqyrtimi dhe miratimi i draft Planit të Punës për vitin 2024.

Gjithashtu do të shqyrtohet dhe miratohet edhe draft Plani Final i Prokurimit për vitin 2024.

Poashtu, në këtë mbledhje do të shqyrtohet dhe miratohet ftesa nga ODIHR, për pjesëmarrje në konferencën “Shkëmbim Rajonal mbi Forcimin e Sistemeve dhe Praktikave Financiare të Fushatës” në Varshavë, si dhe do të bëhet shqyrtimi dhe miratimi i ftesës së IFES, për takim online nga Rrjeti i Drejtësisë Zgjedhore për Evropën dhe Eurazinë./Arbresh.info/