Kryetari i Kuvendit të Kosovës, Glauk Konjufca u ka shprehur ngushëllime familjarëve të viktimave të sulmit në Pragë.

Ndërkaq të lënduarve u ka uruar shërim të shpejtë, shkruan Arbresh.info.

“Të tronditur nga sulmi në Pragë që la shumë viktima dhe të plagosur!”, ka shkruar Konjufca në Facebook.

“Në këto momente të vështira për ta, bashkëndiejmë dhimbjen e popullit të Çekisë dhe familjarëve, duke u shprehur ngushëllimet më të thella atyre për viktimat.”, shtoi ai.

“Qëndrojmë pranë tyre, duke uruar po ashtu shërim të shpejtë për të plagosurit dhe duke shpresuar që ngjarje të tilla të mos përsëriten kurrë askund!” , u shpreh kryeparlamentari Konjufca.

Mbi 15 persona janë vrarë dhe 24 janë plagosur rëndë, si pasojë e sulmit me armë zjarri në Fakultetin e Arteve të Universitetit të Karlit, në Pragë të Republikës Çeke, kanë thënë shërbimet e emergjencës.

Policia ka thënë se sulmuesi, 24-vjeçar, ka qenë student i universitetit dhe sulmi ka qenë i paramenduar.

Trupi i pajetë i tij është gjetur në ambientet e universitetit./Arbresh.info/

LEXO EDHE:

Mbi 15 persona të vrarë si pasojë e sulmit në një universitet në Pragë