Në vendkalimet kufitare të Kosovës me Serbinë kanë filluar të krijohen kolona dhe pritje të gjata nga bashkëatdhtetarët të cilët kanë marrë rrugën për në Kosovë për t`i kaluar festat me familjarët e të dashurit e tyre.

Sipas Qendrës Kombëtare për Menaxhimin Kufitar kolona të veturave dhe pritje më të gjata ka në vendkalimet kufitare me Serbinë në Merdar, te Dheu i Bardhë dhe në Jarinjë, shkruan Arbresh.info.

Në vendkalimin kufitar në Merdar, pritje ka deri në tri orë për të hyrë në vendin tonë.

Ndërsa, në vendkalimin kufitar te Dheu i Bardhë, për të hyrë në Kosovë po pritet deri në dy orë.

Kolonat e automjeteve në këtë vendkalim kufitar arrijnë deri në 1km.

Deri në një orë për të hyrë në Kosovë po pritet edhe në vendkalimin në Jarinjë.

Në vendkalimet e tjera kufitare të Kosovës me vendet fqinje nuk raportohet për kolona, pasi pritjet për të hyrë dhe për të dalë nga Kosova janë 03-05 minuta./Arbresh.info/