Kryetari i Aleancës për Ardhmërinë e Kosovës (AAK), Ramush Haradinaj ka uruar 111 vjetorin e krijimit të Forcave të Armatosura Shqiptare (FARSH),

Me anë të një postimi në Facebook, Haradinaj këtë përvjetor kujtoi kontributin e atdhetarëve për krijimin dhe fuqizimin e Ushtrisë Shqiptare, shkruan Arbresh.info.

“Në 111-vjetorin e krijimit të Forcave të Armatosura Shqiptare, kujtojmë me respektin më të thellë të gjithë atdhetarët e asaj kohe, të cilët me guxim dhe dashuri për atdheun kontribuuan në krijimin dhe fuqizimin e Ushtrisë Shqiptare.”, shkroi ai.

Ndër të tjera ai tha se sot Forcat e Armatosura Shqiptare vazhdojnë të nderojnë me krenati trashëgiminë e tyre të lavdishme si pjesë e NATOS-s.

“Sot, Forcat e Armatosura Shqiptare me krenari vazhdojmë të nderojnë trashëgiminë e tyre të lavdishme, të cilët si pjesë e NATO-s shkëlqejnë në misione të ndryshme për të mbrojtur paqen dhe sigurinë në botë.”, shkroi mes të tjerash kreu opozitar./Arbresh.info/