Presidentja e vendit, Vjosa Osmani ka bërë thirrje për mobilizimin dhe bashkimin kudër dhunës mbi baza gjinore me rastin e nisjes së fushatës “16 Ditët e Aktivizmit kundër dhunës në familje dhe në baza gjinore”.

Osmani tutje ka kërkuar që gratë ta fuqizojnë njëra-tjetrën për një botë ku të gjithë duhet të jetojnë pa frikë dhe pa diskriminim, shkruan Arbresh.info.

Në kuadër të aktiviteteve të 16 Ditëve të Aktivizmit, ndërtesa e Presidencës është ndriçuar me ngjyrë portokalli.

”16 Ditët e Aktivizmit janë thirrje për mobilizim dhe bashkim kundër dhunës mbi baza gjinore. Le ta thyejmë heshtjen njëherë e përgjithmonë, duke qëndruar së bashku jo vetëm gjatë 16 ditëve, por gjatë tërë vitit. Ta fuqizojmë njëra-tjetrën për një botë ku të gjithë mund të jetojnë pa frikë dhe pa diskriminim. Bashkë kundër heshtjes për t’i sfiduar stereotipet dhe për një mjedis ku gratë e vajzat nuk ndihen të kërcënuara e as të rrezikuara. Së bashku, kundër dhunës për një shoqëri të rrënjosur në barazi, ka thënë Osmani. /Arbresh.info