Instituti Hidrometeorologjik i Kosovës njofton se për shkak të reshjeve të shiut me intensitet të lartë, në disa zona mund të shkaktojë vërshime të shpejta.

IHMK njofton se sidomos nga rrjedhat lumore me karakter malorë, të cilat mund të shkaktojnë pengesa në qarkullim

“Gjatë orëve të paraditës (e mërkure 08/11/2023), kanë filluar reshje të shiut në tërë vendin, me intensitet më të lartë nëpër disa zona (veri-perëndimore, qëndrore dhe veri-lindore) të cilat mund të shkaktojnë disa vërshime të shpejta, sidomos nga rrjedhat lumore me karakter malorë, të cilat mund të shkaktojnë pengesa në qarkullim, sisteme të kanalizimit, probleme në të gjitha aktivitetet bujqësore, probleme me trafikun, rrezik për rrëshqitje dheu etj”, njofton IHMK.

Tutje në njoftimin e tyre thuhet se nuk parashikohet të ketë përmbytje lumore sidomos nga lumenjtë kryesorë, të cilët aktualisht kanë nivele nënë kuatat e tyre mesatare për këtë periudhë të vitit.

“Nuk parashikohet të ketë përmbytje lumore sidomos nga lumenjtë kryesorë, të cilët aktualishtkanë nivele nën kuatat e tyre mesatare për këtë periudhë të vitit”, thuhet tutje në njoftimin e IHMK-së.

Instituti gjithashtu njofton se gjatë orëve të pasditës së sotme gradualisht reshjet do të bien në intenzitet dhe shtrirje dhe situata e përgjithshme hidrometeorologjike do të filloj gradualisht të stabilizohet./Arbresh.info/